Nunatta Angalatitsivia - Suliffeqarfinnik sullissinerit

Inussutissarsiortut
Sullitatsinnut inuussutissarsiutinik ingerlataqartunut ukiuni kingullerni immikkut sullissinerput ineriartorpoq. Tamassuma kinguneraa angalatitsiviunerput annertunerpaamik immikkut ilisimasaqalernikuunerput annertunerpaamillu sullissinerput, tassa Kalaallit Nunaannut Kalaallit Nunaanniillu nunallu iluani angalanerit eqqarsaatigalugit.

Nunatta Angalatitsiviani sullitagut tusaaniartorujussuusarpagut, taamaalilluta niuernermik ingerlatsinerput ineriartortittuaannarlugu, sullitatta pilersaarutaannut pisariaqartitaannullu naleqqussakkamik. Aammattaaq nersualaarneqarnissarput ajorineqarnissarpullu ammaffigaarput.